സേവനമാണ് ഞങ്ങളുടെ കൈനീട്ടം…… Written By Rejani P N District Hospital Tirur

അതെ….പ്രായമായ അഛനമ്മമാരെയും, പിഞ്ചു മക്കളെയും വീട്ടിൽ നിർത്തി … കൊറോണയ്ക്കെതിരെ ഉള്ള ശക്തമായ പോരാട്ടത്തിൽ ആഴ്ചകളായി ഞങ്ങളും ഉണ്ട്‌. ജീവൻ പണയം വച്ചുള്ള … അങ്ങേയറ്റം ആത്മാർത്ഥമായ സേവനം തന്നെ ആണ് ഞങ്ങളുടെ വിഷുക്കൈനീട്ടം. ഒരുപക്ഷെ അധികം ആരുടെയും ശ്രദ്ധയിൽ പെടാതെ.. isolation വാർഡുകളിൽ മൊബൈൽ xray മെഷീനുമായി ഞങ്ങളും ഉണ്ട്. കേരളത്തിലെ റേഡിയോഗ്രാഫർമാർ… കാസറഗോഡ് മുതൽ തിരുവനന്തപുരം വരെയുള്ള എല്ലാ ആശുപത്രികളിലും covid രോഗികളുടെയും.. രോഗമുണ്ടോ എന്ന സംശയത്തിൽ എത്തുന്നവരുടെയും നെഞ്ചിന്റെ xray എടുക്കാൻ… അപൂർവ്വമായി നെഞ്ചിന്റെ സി. ടി. സ്കാൻ ചെയ്യാൻ ഓടി നടക്കുന്ന റേഡിയോഗ്രാഫർ മാർ. അധികം ആരും ശ്രദ്ധിക്കാതെ പോയ ഒരു വിഭാഗം. കാസറഗോഡ് ജില്ലയിലെ ദിവസം 30.. 35 പോസിറ്റീവ് cases ന്റെ xray എടുക്കേണ്ടി വരുന്ന ഞങ്ങളുടെ കൂട്ടുകാർ .. ഇത് ഞങ്ങൾ അങ്ങേയറ്റം അഭിമാനത്തോടെ ആണ് ചെയ്യുന്നത് എന്ന് പറയുമ്പോൾ… കേരളത്തിലെ റേഡിയോഗ്രാഫർ സമൂഹം അതേറ്റു പറയുന്നു… സർക്കാരിന്റെ covid നെതിരെയുള്ള… ലോകത്തിന്റെ തന്നെ പ്രശംസ നേടിയ പ്രവർത്തനങ്ങളിൽ.. പങ്കാളികൾ ആവാൻ കഴിഞ്ഞതിൽ ഞങ്ങൾ അഭിമാനിക്കുന്നു.. അങ്ങേയറ്റം സ്നേഹത്തോടെ കരുതലോടെ തന്നെ ആണ് ഞങ്ങൾ അത് ചെയ്യുന്നത്. വീട്ടിൽ ഞങ്ങൾ ഒറ്റയ്ക്കു ഇരുത്തി പോന്ന പ്രിയപ്പെട്ടവരുടെ മുഖം.. ഞങ്ങൾക്ക് ഊർജ്ജമാവുന്നു… ഈ യുദ്ധത്തിൽ.. സർക്കാർ നടത്തുന്ന എല്ലാ പ്രവർത്തനങ്ങളിലും ഒപ്പം ഉണ്ട്‌.. ഞങ്ങൾ കേരളത്തിലെ റേഡിയോഗ്രാഫർമാർ…